1. |
Самоглад
03:32
|
|||
Ти одбиваш да бидеш За
Бегаш Од
Леташ До
А јас, оу Јас...
Бркам бајки!
На крила од шајки
Јас глувеам слушајќи, Те
И пцујам случајно
Сите твои Јазици, свои издајници
И кога сити се стомаци, твоја е
Само глад
Сите мои Јазици, себе-издајници
И кога сити се стомаци, моја е
Само глад
|
||||
2. |
Скржави Цртежи
03:45
|
|||
Двобои
Метеж од јаства и Копнежи
Два апатриди од Сомнежи
Ти не си јас и јас не сум ти...
Секој од својот отров.
Секој од својот остров.
Двојници,
ничии светци ни прорци,
скржави, скржави цртежи...
Жарче од лажните надежи
Згрчени,
два апатриди од сомнежи.
Гушнат со уморни вистини,
љубам ли Скржави цртежи?
Избори,
ти не си јас и јас не сум ти!
Од страв од Лузни и потези...
цртаме скржави цртежи
Двобои,
метеж од Јаства и копнежи.
Во живи Бои сме згужвани...
Скржави, Скржави цртежи!
|
||||
3. |
Сизиф
04:23
|
|||
Нема во Обзир, Криза и Барок... не јадат голомразици!
Идејно салдо, мачи од стално, нема само Долари...
Рака од рака, во Туѓо палто си
Рака од рака, сега сме Бегалци
А, нашата Војна заврши,
уште пред да почне...
Знае ли Сизиф, знае ли Сартр, знаеш ли?
Знае ли Сизиф, знае ли Сартр, знаев ли?
|
||||
4. |
Хегел + Канти
03:58
|
|||
Со левата потсвесно мешај ајвар,
Со десната памти!, кога јас те љубев
Тропаа канти
И Хегел и Кант и јас и ти сме
Камени орли
Оркански висови
А во нас се бездни
Нашите ноќи се бездни
Нашите ноќи се бездни
Нашите ноќи се
Без дни
|
||||
5. |
Кула
03:53
|
|||
Извикувам парола!, со мастика во уста
Пред зграда на парада што води во ништавило...
Од сите можни зраци, јас гледам само сенки.
Од сите мои предци јас глодам само коски.
Јас не сум Кула, јас не сум Храм!
Јас, сум сите Луѓе што ги знам
Јас не сум супер-Стар, јас не сум Млад!
Јас сум сите кои живеат во сопствен САД
Извикувам парола!, со себеси во уста
Се држиме за рака, ми зборуваш за Запад...
Антерос е шарен!, јас сум црно-бел и збеснат
Излегувам на чардак и молам за
Сидра и Случај
|
||||
6. |
Етна
03:53
|
|||
Во клун од птици, ме донесе на парчиња
Змија, вага, нација
Причина-предумисла
Крила ти смислив од лушпи од ореви
Реки, оски, суштини...
од шал од жал и пердуви
Оставив плунки по твоите дланки,
и знаци и замки,
за бргу да сфатиш:
гроздови зрна и бистра вода
Страста ја врзав на работ на Етна,
везев со прсти од зборови ѓердан.
Страста ја врзав на работ на Етна,
да брои...
дур прозбориш
Остави нишки во моите тетратки,
и знаци и замки,
и совесни јамки.
Остави песна, и празна уста...
Кнедла во грло и фрлив на Етна,
сама ми кажа за својата треска.
Кнедла во грло и фрлив на Етна,
јас горев...
ти оздраве
|
||||
7. |
Супер Јупитер
03:41
|
|||
Заљубен,
инертен ѕвер...
СУПЕР ЈУПИТЕР!
Динамика,
свесна пепертука
орбита Суета:
смасна и несмасна
Буно неоснована,
избиј!, прекрасна
Излези од сенката на тој облак мал.
Ти чувам залче од кал,
и кавал од акал и овошен бокал
и не чекај, абер за очај
јас веќе ти пеам
За се што лета, и се што цвета...
И уште еднаш, ќе се свртам
Од се што не знам...околу се што знам
Ќе бидам монах, за сите можни
Аршини двојни, пактови тројни...
Ротација,
на небулози прозни, грозни
Гравитација,
за твојте солзи, солзи, солзи...
|
||||
8. |
Риба
05:00
|
|||
Од тебе научив дека морето е илузија.
Дека, срцето на морнарот се јаде со вилушка.
Од тебе научив да сурфам на нож!
Да нуркам без нос...
Сега знам, како да бидам гума/дума
А уште, не знам,
како да пливам ко Риба/мислам ко Риба
|
||||
9. |
Улај
03:44
|
|||
Негде во рака кај се што гради,
Сизиф ќе измеша малтер и темпера...
Негде во стомак кај се што стои,
се дави Етна во базен од можности.
Негде во цветот на се што се распаѓа,
...ти чувам Залче од кал.
Негде во забот на се што Гладува,
Сизиф ќе измеша малтер и темпера...
Или во стомак кај се што стои,
се дави Етна во Бездни од можности.
Негде во светот,...сред нешто сиво
Риба сурфа во зеленило
|
Pluto's Doubts Skopje, Macedonia
Pluto's Doubts is a music band from Skopje, Republic of Macedonia.
Streaming and Download help
If you like Pluto's Doubts, you may also like:
Bandcamp Daily your guide to the world of Bandcamp